करारपत्रावर पतीचे नाव पहिले व पत्नीचे दुसरे असेल, पण शेअर सर्टिफिकेटवर पत्नीचे नाव पहिले व पतीचे नाव दुसरे लिहिले गेले, तर चालेल का? नसेल तर फेरफार करण्यासाठी काय करावे लागेल? तसेच सदनिका जर पती-पत्नीच्या नावावर असेल व नॉमनी म्हणून मुलाचे नाव असेल, व मुलगीही असेल तर अशा स्थितीत पती-पत्नी हयात नसताना जागा विकण्यासाठी किंवा पुनर्विकासासाठी मुलीचीही संमती आवश्यक आहे का?
उत्तर
तुमच्या उत्तरावरून तुम्ही तुमच्या पत्नीचे नाव शेअर सर्टिफिकेटवर आधी टाकण्यास सांगितले नव्हते असे दिसते. त्या प्रमाणे सोसायटीने तुमचे नाव करारावर पहिले असूनही शेअर सर्टिफिकेट वर पहिले टाकले नाही, ही सोसायटीकडून झालेली चूक असावी असे दिसते. तुम्ही ही चूक सोसायटीच्या लक्षात आणून देऊन शेअर सर्टिफिकेट, आणि सदस्य रजिस्टरसह सर्व रेकॉर्डवर दुरुस्त करण्याची विनंती करावी.
मूळ मालक जिवंत असेपर्यंत नामनिर्देशित व्यक्तीला (nominees) त्या मालमत्तेवर कोणताही अधिकार प्राप्त होत नाही. त्याचा अधिकार मूळ मालक निर्वतल्यावरच साकार होतो. त्यामुळे तुम्ही आणि तुमच्या पत्नीला जर फ्लॅट विकायचा असेल अथवा पुनर्विकासासाठी द्यायचा असेल तर तुम्ही नामनिर्देशित व्यक्तीसह कोणाचीही परवानगी न घेता देऊ शकता.
सदस्य निवर्तल्यावर मालकी हस्तांतरीत करणे सोसायटीचे कर्तव्य
प्रश्न
आमच्या संस्थेमध्ये ५८ बैठी घरे ( रो हाऊस ) असून प्रत्येक घराचे चटईक्षेत्र ९९० चौ. फूट आहे. संस्था २५ वर्ष जुनी असून नवीन बायलॉज प्रमाणे संस्था चालत आहे. कोणतीही कायदेशीर अडचण नाही. प्रश्न असा आहे की, सभासदाचे निधन झाले आहे. परंतु त्याचे कुटुंब सभासदाचे नाव ट्रान्स्फर करत नाही. म्हणजे घर गेली २ वर्षे मृत व्यक्तीच्या नावे आहे. अनेक पत्रव्यवहार केले पण दाद देत नाहीत. अशा वेळी काय करावे? नॉमिनेशन प्रमाणे घर ट्रास्फर करण्याचा अधिकार संस्थेला आहे का? अशावेळी पत्रव्यवहार कोणाच्या नावे करावा? बाकीच्या ३ वारसदारांचा पत्ता माहीत नाही आणि ते येत पण नाहीत.
उत्तर
मयत सदस्याच्या वारसांना फ्लॅट/रो हाऊस हस्तांतर करण्यास सोसायटीला इतकी काळजी का वाटते तेच कळत नाही. नामनिर्देशित व्यक्ती अथवा वारसाने सोसायटीकडे हस्तांतरणासाठी कायद्यात दिलेल्या मुदतीत अर्ज करायचा असतो. अशा परिस्थितीत सोसायटीला काहीही करायचे नसते. दिलेल्या मुदतीत कोणीही फ्लॅट हस्तांतरणासाठी पुढे येत नसल्यास कोणती पावले उचलायची हे आदर्श उपविधीच्या कलम ३४ अंतर्गत नमूद करण्यात आले आहे. मूळ सदस्य निर्वतल्यावर संबंधित फ्लॅटची मालकी हस्तांतरीत करणे हे सोसायटीचे कर्तव्यच आहे. नामनिर्देशित व्यक्ती आणि वारस यातील फरक समजून घ्या. जर वैध नामनिर्देशन (नॉमिनेशन) असेल तर त्याचा सन्मान ठेवून त्यानुसार हस्तांतरण व्हायला हवे. जर नामनिर्देशन नसेल आणि वारसही पुढे येत नसतील तर सोसायटीने उपकलम विधी ३४ प्रमाणे कार्यवाही करायला हवी.
‘हाऊसिंग सोसायटी’ सदरासाठी प्रश्न
‘हाऊसिंग सोसायटी’ सदरासाठी प्रश्न पाठविताना आपल्या सहकारी गृहनिर्माण संस्थेतील इमारतींची संख्या, मजले, सदनिकांची संख्या, सदनिकांचे चटईक्षेत्र, प्रश्नाचे नेमके स्वरूप इत्यादी आवश्यक तो तपशील न चुकता नमूद करावा. मजकूर शक्य तो टाइप केलेला, अन्यथा किमान सुवाच्य हस्ताक्षरांत असावा. पाकिटावर ‘हाऊसिंग सोसायटी सदरासाठी’ असे स्पष्ट लिहावे. प्रश्न पोस्टाने किंवा कुरियरने पुढील पत्त्यावर पाठवावेतः महाराष्ट्र टाइम्स, टाइम्स टॉवर, ४ था मजला, कमला मिल्स कम्पाउन्ड, लोअर परळ, मुंबई- ४०० ०१३. आपण आपले प्रश्न mtaskquestions@gmail.com या ईमेलवरही पाठवू शकता.
मोबाइल अॅप डाउनलोड करा आणि राहा अपडेट