देशातील महागडी प्राॅपर्टी डिल; दमानी यांनी मोजली रेकॉर्ड किंमत,मलबार हीलमध्ये खरेदी केला बंगला

मुंबई : देशातील प्रसिद्ध गुंतवणूकदार आणि डी-मार्ट या सुपरमार्केट्सचे मालक असलेले राधाकिशन दमानी पुन्हा एकदा चर्चेत आले आहेत. दमानी यांनी मुंबईतील मलबार हील या ठिकाणी एका बंगला खरेदी केला आहे. यासाठी दमानी यांनी तब्बल १००१ कोटी रुपये मोजले आहेत. हा व्यवहार मुंबईतलाच नव्हे तर देशातील सर्वात महागडा व्यवहार ठरल्याचे जाणकारांचे मत आहे.

सोने की चांदी: गुंतवणूक करताना या प्रमुख गोष्टींकडे द्या लक्ष
मलबार हीलमधील नारायण दाभोलकर मार्गावर असलेलया 'मधुकुंज' या नावाच्या प्रॉपर्टीची राधाकिशन दमानी आणि गोपीकिशन दमानी यांनी १००१ कोटी रुपयांना खरेदी केली आहे. याची दस्त नोंदणी ३१ मार्च रोजी झाली आहे.

IPO मध्ये गुंतवणूक संधी ; एप्रिलमध्ये बाजारात धडकणार किमान अर्धा डझन आयपीओ
'मधुकुंज' या प्रॉपर्टीचे क्षेत्रफळ ५७५२.२२ चौरस मीटर आहे. विशेष म्हणजे रेडीरेकनरनुसार या प्रॉपर्टीची किंमत ७२३.९८ कोटी रुपये आहे. या व्यवहारात दमानी यांनी ३०.०३ कोटी स्टॅम्प ड्युटी भरली आहे.

'लॉकडाउन'चा परिणाम; चक्क मुंबई-दिल्लीत घरांच्या किंमतीत झाली घसरण
देशातील नावाजलेले गुंतवणूकदार आणि सर्वाधिक श्रीमंतांमध्ये दमानी यांची गणना होते. नुकताच डीमार्टने चेंबुरमध्ये एक कमर्शिअल प्रॉपर्टीची खरेदी केली होती.राधाकिशन दमानी यांची संपत्ती जवळपास १५ अब्ज डॉलरपर्यंत आहे. श्रीमंत भारतीय उद्योजकांच्या यादीत दमानी अव्वल २५ मध्ये आहेत. बाजारात सूचीबद्ध झाल्यापासून 'अव्हेन्यू सुपरमार्टस्' ३०० टक्क्यांनी वधारला आहे. या तेजीने गुंतवणूकदारांबरोबरच कंपनीचे मालक राधाकिशन दमानी मालामाल बनले आहेत.