करोना साथीचा सर्वच क्षेत्रांवर प्रभाव पडला. त्यामध्ये मुंबईसारख्या महानगरात सर्वाधिक रोजगार देणाऱ्या रिअल इस्टेट क्षेत्राचाही समावेश होता. संपूर्ण मुंबई महानगर क्षेत्रात रिअल इस्टेटमध्ये १० लाख रोजगार गुंतला आहे. यापैकी ८० टक्के श्रमिक परप्रांतीय असल्याने करोना लॉकडाउन काळात निवासी संकुलांचे बांधकाम ठप्प होते. ही कामे मागील जेमतेम दोन महिन्यांत काही प्रमाणात सुरू झाली. परंतु सुरुवातीला नवरात्र व त्यानंतर दिवाळीदरम्यान ज्या प्रमाणात निवासी संकुलांमधील फ्लॅट्सना मागणी दिसली, त्यानुसार येणारे वर्ष हे या क्षेत्रासाठी चांगले असेल, असा विश्वास डॉ. हिरानंदानी यांनी व्यक्त केला आहे.
नोकरी गेल्यानंतर कशी करावी गृहकर्जाची परतफेड?
डॉ. हिरानंदानी यांच्यानुसार, 'करोना काळात निवासी घरकुलांसाठीच्या नवीन गरजा प्रकर्षाने समोर आल्या. सर्वच क्षेत्रांचा रोजगार गेल्याने ग्रामीण भागातून शहरी भागात रोजगारासाठी येणाऱ्यांचा आकडा मागील दोन महिन्यांत सातत्याने वाढता असल्याचे दिसून येत आहे. यातून शहरीकरण झपाट्याने होत असल्याचे चित्र आहे. यातूनच निवासी संकुलांमधील फ्लॅट्समध्येही बदल होत असल्याचे चित्र आहे.
हौउसिंग सोसायटी; एक व्यक्ती जास्तीत जास्त किती वर्ष पदावर राहू शकते?
वर्क फ्रॉम होमसाठी आवश्यक असलेले फ्लॅट्स तयार होत आहेत व त्यांना चांगली मागणी आहे. त्यात तंत्रज्ञानाचा वापरही जोमाने होत आहे. तरुण व महिलांकडून फ्लॅट खरेदी अधिक संख्येने होत आहे. या सर्वांचा संयुक्त परिणाम २०२१च्या पहिल्या सहा महिन्यांत या क्षेत्रावर दिसेल व करोनामुळे मंदीत गेलेले रिअल इस्टेट क्षेत्र सामान्य होईल'. ४० टक्के फ्लॅट्सची विक्री मुंबईत साधारण २०० ते २३० मोठे व मध्यम बांधकाम व्यावसायिक आहेत. त्यांच्या जवळपास ४०० ते ४५० निवासी संकुलांमधील ४० हजार ते ४८ हजार फ्लॅट्स करोनापूर्वी विक्रीसाठी उपलब्ध आहेत.
‘न्यू नॉर्मल’मध्ये सवलतींचा भडीमार; घर खरेदी करताना व्यावहारिकता आहे महत्त्वाची
लॉकडाउन काळात ही मागणी ठप्प होती. पण नवरात्र-दिवाळीदरम्यान यातील ८० टक्के फ्लॅट्सबाबत विचारणा झाली? तर साधारण ३५ ते ४० टक्के फ्लॅट्सची विक्री झाली. करोना संकट पाहता हा आकडा फार समाधानकारक असल्याचे बांधकाम व्यावसायिकांचे म्हणणे आहे.
मोबाइल अॅप डाउनलोड करा आणि राहा अपडेट